top of page
搜尋

「X你,$1300租個單位開診所,你不如去買馬好過啦🐎」

當初認識 香港催眠輔導中心 Tim Sir-催眠治療/個人輔導 係Tim sir 既情緒急救課程, 再到催眠治療師初班,臨床班,導師班, 駐診開設柴胡醫館, 我同HCCHK關係亦更緊密。

2020年中 學生時期胡大夫十分喜歡小兒推拿, 唯畢業後事與願遺,加上社會洗禮, 當時諗自己呢世都無機會再接觸小兒推拿, 推廣小兒推拿既夢想好快就被磨滅。

職場失意,2年間完全無機會接觸小兒推拿, 決定辭職專心讀腫瘤學碩士, 順便租個$1300 工廈單位偶然開診, 朋友回應 「X你,$1300租個單位開診所, 你不如去買馬好過啦」, 其實,自己都唔係好清楚自己想做咩, 我淨係知,我已經心累了。

「有得做既,小兒推拿一定有得做既」 2020年,估唔到 我仲有機會重新pick up 小兒推拿, 係tim sir 鼓勵我。 拍片,做訪問時 睇返自己久遺嘅兒推notes, 種種回憶泛上心頭, 我更加堅定, 其實我係想行返呢一邊!

2020年11月1日 「從老師到老細」 由打算夾份錢合租街舖開診所, 再到係中心間房開診所, 就係咁樣, Tim sir 就由我催眠班老師,詠春師傅, 成為我老細, 而柴胡醫館亦正式開業

2023年 「點解你唔離開Tim sir? 離開香港催眠輔導中心?」

呢幾年黎, 係香港催眠輔導中心 經歷左我人生既高峰(目前黎講) 同低谷, 仲有好多人生既第一次, 有好多以前從來無諗過自己會做到既野, 好多。 從前無自信, 到習慣面對鏡頭,拍片開live, 接受訪問,開始出名。 由自己都無信心同人講咩叫小兒推拿, 到依家以香港小兒推拿協會會長身份, 入商會同大老闆出力推廣, 開班教學, 入大學小學幼稚園其他機構講talk, 舉辦小兒百人推小兒推拿義診, 會展擺攤宣傳, 呢一切呢一切都係香港催眠輔導中心開始。

商業上, 我唔肯定自己跳出去係咪仲有咁既成就。 情理上, 過橋抽板太衰仔啦。 現實中, 我相信Tim sir, 相信香港催眠輔導中心, 香港童協一齊行, 可以行得更遠,做到更多既野, 低谷會互相support,再一齊創巔峰。

願景︰ 推廣小兒推拿唔再係空口講, 萬事起頭難, 我起到了, 跟住下一步點行, 點樣行得更遠, 依家卡左係樽頸位點搞,未知, 但只要有信心,團火一日未熄, 就會成功。 將來,可能安安穩穩每日接幾個症半退休, 可能將小兒推拿發大到便利店咁樣, 可能衝出國際,咩都有可能, 但肯定既, 小兒推拿已成為我生命既一部分, 亦會一直落去直到終老。

14 次查看0 則留言

最新文章

查看全部

你信唔信小兒推拿?我當初都唔信

第一次接觸小兒推拿,係中醫本科大學四年級時, 推拿學其中一部分課堂。 無錯,小兒推拿確實係 正式嘅.大學.中醫學科.學院教育制度.入面嘅內容, 但只佔極少部分。 當時學習以理論為主, 亦有一兩節實習見識見識。 只係,對我而言, 小兒推拿不過係一門理論幾有趣, 療效成疑,同埋好多野背嘅偏門知識。 當時嘅我同好多人一樣, 會覺得「就咁按下隻手就醫到病咁神奇?」 「中醫的生命在於臨床」 第一次接觸真正嘅

《醫者,不只醫人,更要安患者的心》

關於柴胡醫館- 胡凱淋醫師的故事 #長文 小時候身子弱,總是小病不斷。 有次去完外地旅行回來更發起高燒, 父母立刻帶我到私家醫生就診, 豈料醫生得知我的情況後,便連罵帶趕地把我「踢」出診所, 只著我快到急症室看病, 彷彿怕我有傳染病(當時還未有武漢肺炎肆虐呢) 或是想懲罰患病還去遊玩的我。 當時年僅七歲的我,只覺無助與被遺棄。 這樣的感受停留在我心很久很久, 以致如今我成了中醫師, 也常常警惕自己

bottom of page