癌症

「正氣存內，邪不可侵」——中醫認為癌症唔係突然出現，而係痰、瘀、熱、毒等病理因素長期累積，加上身體正氣不足，令呢啲病邪有機可乘，最終聚而成腫物。即係話：「邪之所湊，其正必虛」，正氣虛弱，就會畀邪氣入侵。

​

中醫治療癌症強調「扶正袪邪」兩手並行。一方面透過中藥調理、食療、針灸等方式提升身體免疫力、增強氣血運行；另一方面針對痰瘀熱毒，透過清熱解毒、化瘀散結、活血通絡等方法，改善腫瘤周邊環境，令「病土」唔再適合癌細胞生長。

​

唔少接受西醫治療（如化療、電療、手術）嘅病人，亦會同步使用中醫作為輔助療法，達到：

​

• 降低副作用（例如噁心、白血球下降、疲倦等）

• 改善整體體質，提升生活質素

• 減低復發或轉移機會

• 幫助術後或療程後身體康復

​

但我哋都要誠實講一句：中醫唔係「代替」電療化療，而係一種「整體協助」策略。根據唔同階段（初期、術中、術後、康復期），中醫可以透過辨證論治提供唔同介入方式，並非千人一方。

​

柴胡醫館嘅醫師團隊，會因應病人身體狀態、癌症類型、療程進度，制定個人化嘅中醫調理方案，並結合現代醫學知識，務求喺安全、合適情況下發揮中醫最大效用。